BEDANK ALLEMAOL
Veer wille uch allemaol hieël hertelik bedanke veur de meneer wo-op geer ós de aafgeloupe 8 maondj höbtj gesteuntj. Allerieërs bedanke v'r 't personeel van 't AZM in Mestreech, Hoesarts Dr. Ficken, de Thuiszorg Midden Limburg, 't ambulance personeel en verder idderein veur beveurbeeldj 't rieje nao Mestreech, ein sjouwerklöpke, ein kaart, tillefoontjes, bleumkes en neet te vergaete de kaese diej euveral gebrandj höbbe (volges ós haet half Limburg inne fik gestange)of num mer op. 'T woor eine ruggesteun veur ós, mer veural eine steun dae geer aan Rogier höbtj gegaeve. Det haet d'r zeker aan bie gedrage det Rogier haet gevochte toet op 't lès, om diej versjrikkelikke ziekte te euverwinne. Helaas 't haet neet zoea móge zeen ....
V'r wille auch idderein bedanke veur de sjoean gedinkdeens oppe dinsdigaovendj. Mit de meziek, 't laevesverhaol of allein al mit eur aanwezigheid. Auch de aafsjiedviering woor hieël sjoean, mit prachtige meziek. Precies zoea wie Rogier 't wól höbbe. Auch alle biedrages en aanwezigheid daobiej höbbe v'r zeer gewaardeerd.
De zeswaekedeens is op zóndig 29 juni óm 9.30 oere inne kèrk van 't H. Hart van Jezus inne Brachterbaek.
Dao-in zal meziek waere gebrach door de hoorngroep van fanfare Eensgezindheid.
Veer zalle noe langzaam probere óm euver dit gemis haer te kómme. 'T zal neet gemekkelik zeen mer veer zalle 't probere inne geis van Rogier : VANDAAG IS VANDAAG, MÖRGE IS MÖRGE.
Renè, Els, Lilian en Fred
P.S. Deze weblog zal nag toet nao de zeswaeke deens inne lóch zeen.
gepost door Pexie @ 14:17
6 reacties
6 reacties:
Hallo Els Rene Lilian en Fred,
Vrienden in goede en kwade dagen.
Dat is zeer zeker ook Rogier's wens. Als er bij jullie een feestje was, waren wij erbij. Nu jullie verdriet hebben, willen wij er natuurlijk ook voor jullie zijn.
Huub wacht op opname voor een operatie aan zijn stembanden.
Daarna bellen we, als hij weer mag praten.
Heel veel sterkte en tot ziens.
Huub Mary Sanne Frank Don en Iris.
familie, vrienden en bekenden van Rogier,
Op de eerste plaats wens ik jullie heel veel sterkte toe met het verlies, en de verwerking hiervan.
in de loop van de laatste maanden heb ik vol bewondering geregeld deze site opgezocht, de kracht, moed en liefde voor alles en iedereen straalde ervan af.
Persoonlijk kende ik jullie kanjer niet, maar hij heeft menig buitenstander moed en kracht gegeven door zijn openheid.
Jammer dat dit verhaal na een bepaalde tijd van internet gehaald wordt
veel liefs
Jose
Leef Els, Rene, Lilian en Fred,
Wer winse uch ontzettendj veaul sjterkdje. Ut zal nog allemaol hieal moeilijk zeen en blieve. Noe weuardj ut gemis pas ech veualbaar.
De foto sjteit oppe kas en es wer der hear kieke heuare wer ziene lach...
Nogmaals hieal veual sjterkdje.
Wer dinke aan uch.
Jop, Lars, Michel en Nicole
Waat sjaon dat gé ein berich geplaatstj hôbtj op dees weblog!
Het zal vreemdj zeen om deze weblog straks neet mieër nao te kinne laeze, maar ut is waal good veur uch om bepaoldje zaken aaf te sloeten en de herinneringe daoraan un plekske in uch hert te gaeve.
Gaef un dikke knuffel aan Fred en Els, want det höbbe ze geweun verdeendj. De 29e juni is trouwens John veur de 2e kieër misdaenaar.
Gonny, Ron, Eveline, John
Leeve Els, Rene, Lilian en Fred,
Auch biej os steutj de foto van Rogier midde in de kamer en zoo komme d'r steeds weer nuuj gedachte en herinneringe aan Rogier noa boave drieve....veural ziene lach...och...Rogier woar geweun eine fijne kearel en vent !!!
Mer op dees momente dinke weer zeker auch aan jullie. Uch gezin misjt 'm 't allerergste en diej leage plek is d'r veur uch bienoa elk moment vanne daag.
Noe de broelof van Lilian en Fred is geweastj, komme weer ein dees daag ins langs. Weer winse uch hieel veul sterktje en hoape det geer de mood vindtj om 't leave weer get op te pakke...ich weit bienoa zeker det Rogier neet angers zou wille.
Weer dinke aan uch,
Jeannette, Adri, Raoul,Milas
Waarschienlik de leste keer det ich op deze weblog schrief. Auch al hub ich live heal veul met Rogier besproake, ich kin neet ontkinne det wer auch via deze weblog en msn, heal veul hubbe gecommuniceerd. Vaak ware det gesprekke die euver nieks ginge, wao weer os traone bie hubbe gelache, om de tied in t ziekenhoes get beater door te komme. Mer auch heal duk ware det emotionele gesprekke, die waal degelik inhoud haowe, wo angst en twiefel heal duk t ongerwerp ware, euver zake die onger veer ouge te moelijk ware. Ich vinj t fijn det ich Rogier destieds hub gestimuleerd om van zich aaf te schrieve, det dit veur zoveul minse ein informatiebron zoe weare en veur Rogier ein steun en toeverlaat, kos toen nemes dinke.
Noe Rogier der neet mear is, probere wer det allemaol ein pleatske te geave. Soms lukt det al ein bietje, mer der zien nog teveul moelijke daag. Laote wer haope veur ederein waat oze Sexie Pexie mis, det die daag steeds minder weare en weer allemaol aan deze fijne jong truk kinne dinke met eine lach op oos gezich. Ich weit zeker det dea den trots op os zal zeen.
Mup, bedankt!xxx Anita
Een reactie posten
Aanmelden bij Reacties posten [Atom]
<< Homepage