Ich bun los
Eindelijk. Ich bun los. Sinds 29 januari hub steeds ein infuus in de erm gehadj en om det ich doa redelijk geveulig veur woor kreeg ich regelmoatig ontsteaking aan de bloodvaten. Dus mos eeder kier ut infuus op ein anger plaats gezatj weare. op 11 versjillendje plaatse hub ich ein infuus gehadj en veurnamelijk in de rechtse erm.
Dus bun ich noe erg bliej det ich eindelijk los bun, gein infuus mier.
De antibiotica hub ich toet 1 april thoes gehadj. Auch dea is noe gestoptj. En de chemo kuur woo ich mit bezig woor, de Intensification 1B fase, is inmiddels auch aafgeloupe. Ich bun vandaag truuk noa ut AZM geweas veur ein beinmergpunktie mer die is neet doorgegange. De bloodwaardes woore te lieg, en dus hub ich waal nog weer ein zekske blood biejgezatj gekreege. Noe mot ich volgendj weak woonsdig truuk veur ein nuuj poging veur de beinmergpunktie.
Det heltj waal in det de volgendje kuur weer get op geit sjuuve, want diej zoe eigelik op 9 april starte. Hub ich waal weer get mier tied om mien conditie op piel te bringe. Ich hub vandaag al ein flink stuk in ut ziekehoes geloupe, mer den merk ich toch det ut van ver mot komme. Dus murge mer ins eine fysio belle om te kieke waat ich ut beste kin doon om zoea snel meugelijk get conditie te kriege. En es mien blood verder in orde blief mot det toch redelijk snel weer get beater mit mich goan.
En es noe ut wear auch nog ein bietje mitwerktj komtj ger mich vas en zeker weer op de stroat teage es ich aan ut wanjele bun.
gepost door Pexie @ 19:54
4 reacties
4 reacties:
Haa Pexie,
Fijn detse eindelijk van het infuus aaf bus,..
We zitte noe in Spanje, we zullen proberen dig get good wear mit te numme es we zunjig noa hoes komme,.. Den kinse weer good aan dien conditie goan wirke,..
Hopelijk kinse volgende weak waal de beinmergpunctie kriege!! Veul sterkte in eder geval!!
Xx Lianne en de rest vanne familie Creemers
Ha Rogier
Wie is ut mit de conditie? Al aan ut dinke veur de marathon of toch nog efkes wachte? Lekker det se efkes get langer 'los' bös!
Succes mit de beinmergpunctie woonsdig!
Jeroen
Hoi Roger,
Veer wunse dich veur murge heel veel succes.
En veur de komendje tied veur uch allemool heel veul sterkdje.
Veer dinke aan uch.
Heel veul groetjes,
Will Beckers, Mam en Marian
Ha Pex,
Alweer eine tied geleje, mer ich blief aevegood ein bietje op de heugtje. Ut duitj mich auch good om alle gooi dinger te laeze, en auch ich zit hiej aaf en toe mit get traonkes in de auge es ich dien verhaol laes. Waat der auch gebeurtj, haod de mood der in en alles geitj good komme. Du, en mit dich eederein, hobbe ut al tot zoa wiet gebracht, en noe gaon weer mit z'n alle tot ut inj, wielang det ut auch doertj. Auch es ich neet altied get sjrief, weer dinke hiej alletwee aan dich en winse dich en de res van de femilie den auch alle sterkte.
Groetjes vanoet hiej,
Jan-Willem en Jem
Een reactie posten
Aanmelden bij Reacties posten [Atom]
<< Homepage