Vasteloavendj saame
Ut is vasteloaveszondig. Eine daag woo altied toch eedere vateloavesvierder noa oetkiekt. Ut begin van de driej doll daag, auch al zeen sommige noe al driej daag aan de gang. Vanmurge wiej ich wakker weardje en noa boete keek begos ut toch te kriebele. Lekker wearke, fein optoch laupe vanmiddig en den goan fieste. Mer helaas. Ich sloan mer ins euver dit joar.
Hub gister uiteraard noa de zoepkoel gekeeke en esse den ut volgendje op de televies veurbiej zuus komme
den wurdj ut hertje biej mich toch auch waal hiel erg klein. Sjatjes bedankt. Inmiddels hub ich gister auch weer get chemo gehadj. Det ging neet zoea soepel. Sjienbaar woor ut infuus neave ut bloodvaat terecht gekomme en wiej ze alles veurdet de chemo draan kwoom ff alles ginge doorspeule kreeg ich eine ganse bultj op mien erm. Ut infuus lekdje. Dus mos der op ein anger plaats ein infuus gepriktj weare. Mer sjienbaar woor det neet zoea eenvoudig want doa hubbe ze eine doktor veur motte zeuke dea doa toch get mier henjigheid in haj. Oeteindelijk hub ich den noe ut infuus aan de linkse erm. Bietje vervealendj omdet ich linkshenjig bun mer ut is noe einmoal neet anges.
Vanaaf noe krieg ich om de angerste daag chemo toet 13 februarie en den bun ich mit dees kuur kloar. Zal den nog waal eine daag of 5 doere veurdet ich den noa hoes moog. Mer det zeen wer den waal weer.
Auch lik ich weer op ein anger kamer. Kamer 16 is ut gewoare. Ich mos mit miene buurman weg van kamer 22 omdet ze doa de ganke en nog ein deil anger kamers van ein nuuj vloer goan veurzeen. Noe lik ich mit 4 miense woavan de res neet zoa positief allemoal is. Dus es ger verhulkes hubt of get sjeale zeiver. SMS Mail of MSN den hub ich auch get te lache.
Gister hub ich waal nog ein ongersjeiing gekreege van CV De Sjwenskes oet Sjweikese (Zwijkhuizen). Mien buurman (van kamer 22 en noe nog steedss) is lid van diej carnavalsvereniging en diej woore biej dem op bezeuk en wiej ze huerdje det ich eine ex-prins woor kreeg ich spontaan ein ongersjeiing.
Mer good, ich goan weer aafsloete en op internet en televies probeere get van de vasteloavendj mit te kriege. Ich wins eederein vanmiddig eine fijne optoch en maak der ein sjoan fies van.
gepost door Pexie @ 11:29
10 reacties
10 reacties:
Haa Rogier,
Ondanks detsse der liefelik neet biej kós zeen zóndigmiddig höbbe toch eine hëíleboel minse aan dich gedach en euver dich gespraoke. Auch ut bord inne zoepkoel haet eederein gezeen, prachtig. Ich hoap det se dich doa achter toch nog ein bietje kins ammuzeere, en det se neet véúl las kries vanne cheemoow.
Den mer ein joar neet mit, helpe weer dich allemoal omdet het volgendtj jaor saame mit dich ins flink in te haole, ich höb mich spesiejaal ein paar bónne en ein klein sigaerke doaveur opziej gelach.
Haot dich sjterk kaerel.
John
Hallo Rogier,
Juist nu met carnaval moet het wel afzien zijn voor jouw. Dan is natuurlijk wel een geweldige opsteker als je zo'n bord langs ziet komen waarbij je vrienden laten merken dat ze tijdens het feesten aan je denken. Uit dit soort dingen blijkt dat je geweldige vrienden hebt waar menigeen jaloers op mag zijn.
Gelukkig voor jouw is dat carnavalgedoe de hele dag te volgen op de TV.
Sterkte en hopelijk tot gauw!
Tom Broeders
ha mup, leas effe tusse de bedrieve door op diene weblog en zeen dao t burdje det wer met nao de zoepkloel hubbe genomme. Esse weer toes bus gaon wer dich det euverhandige, want det heat menige bacterie opgeloupe ongerweag, mer auch eine haele boel sjoan en emotionele verhaole, die vertel ich dich den auch. Ongertusse is t alweer dinsdig en auch al bun ich nog effe bie dich op bezeuk geweas, du wits waat det vanaovendj veur mich en eine haeleboel miense zal beteikene! En doa zeen gein burdjes veur!
Hoi Rogier
Wat leuk dat je er gisteren live on line bij was bij Joan,het was een groot succes en de rij voor de pc was elke keer weer zeer lang,we konden dan ook van afstand al zien of je aanwezig was of effe wandelen.
volgen jaar weer echt live!!!
Groeten Frans en Christel
Ha Rogier!
Joamer detse der neet biej woors aafgeloupe daag. Bös toch ein personality op 't gebied van Carnaval. Höbs hoapelijk toch nog 'n bietje kinne amusere mit de live!-verbinding. Stilletjes aan zeen wie eederein zaater en zaater wurd.
Om toch ff de sfeer te preuve, en dich waarsjienlijk auch sjeif te lache, kinse via www.youtube.com/cvohv get filmkes bekieke.
Hoaj dich doa in Mestreech, kop op en volhoaje!.
gr Geert
Ha pexie
Hoewel se er neet perseunlijk biej koosj zeen, vong ich ut waal geweldig det se via de digitale waeg toch ut D'Ronckentoernooi höbs mitgekrege (en de twee eerste prieze inne wach höbs gesleipt ;) ) en det der naeve Griet eine laptop sting mit de boerebroelof. Ut zeen den waal get lestige daag gewaes, om gein carnaval te kinne viere, mer maak d'r dich ein doel van om der zo snel meugelijk weer al daag biej te zeen!
Jeroen
Hey Pexie,
sjone carnaval gehadj, mer ut woor neet utzelfdje zonger dich. Zeker es ederein nao hoes is en doe normaal gesjrpaoke auch heurs toet het selecte gruupke euverbleivers!
Inmiddels hub ich begrepe det ut neet zo heel erg lekker luptj! Haoj vol jong!
Auch nao de carnaval geldj es se in Mestreech liks: "Pexie, weer misse dich!"
Ha Rogier,
Es oad lid en aanveurder vanne joeks mot ich dich toch bekinne det ut deze carnaval hiel erg hel jeukdje om mit de joeks mit te trötte. Wie Jeroen mich noa den optoch vroag of ich get mit woal bloaze bedach ich mich den auch gein moment! Ich höb weer lekker mit kinne joekse bie Joan inne café enne zaal. Dinsdig bön ich zelfs mit vriendin en kienjer noa mesjtreech gegange om mit de joeks mit te doan. Ze koste auch waal get hulp gebroeke onger os gezag, mer ut waas weer oajerwets leuk om alles euverhoup te sjpele ;-)) Allein die baspertie hè....Henk probeertj ut waal mer zo sjoan en good es dich det kins sjpele....kintj der geine. Ich höb de solo van Fiëste nog ins ingezatte mer zonger bas waas ut toch lielik kaal en behelpe... Haai vol en ver zeen dich weer hiel sjnel inne Baek!!!
Ivar
Heey Rogier,
doe heurs neet vaak get van mich mich, mer ich vergeate bon ich dich zeker neet in elk geval, auch op het wirk passeer se vaak de revuu en kalle ver zo ff biej. Math had dich nog gevroag om te biljarte mer helaas ging det neet door, missjien eine volgende keer he, ich hoap het. En joa, mit de carnaval moos auch ich nog vaak aan dich dinke, mer zorg doe geweun det se sjnel der boaveop kums en den kin se volgend joar weer wie eenne echte carnavalist geniete van die gekke daag!!!
geaf mich diene e-mail nog ff, ken ich dich nog effe toevoege op msn, kenne ver eens zeivere aaf en toe..
kop op he
groetjes Pat.e.
Hoi Roger,
Wij hopen dat als je dit bericht leest het goed met je gaat en er vooruitzicht is om naar huis te kunnen als je nog niet thuis bent.
Groetjes Peter en Yvonne
Een reactie posten
Aanmelden bij Reacties posten [Atom]
<< Homepage