Ut besef
Hiej bun ich weer. Ut heaf ff gedoerdj veurdet ich get gesjreeve hub mer det heat zoa zien reaje.
Ich bun inmiddels kloar mit de chemokuur van dit gedeiltje van de bahanjeling. Eigelik mot ich zegge det diej goot verloupe is. Probleem is echter det ich sinds de donderdig noa de vasteloavendj weer las hub van ein bacterie-infectie. Dezelfde bacterie woo ich eeder auch las van hub gehadj. Door ein ontstoakebloodvaat woo mien infuus in zoot is die bacterie noe auch in mien blood en maag dermkanaal terech gekomme. Ut gevolg woor det mien spiere weer hielemoal laamgelag zeen en ich ein paar dag nieks mier kos. Verder bun auch al ongerhalf weak aan de diaree.
Mien energie nivo is dus vriej slech en alle kos hiel veul meujte. Zitte, laupe, noa de WC goan, alle dinge diej veur eederein normaal zeen kos mich enorm veul krach en energie.
Mer waat ich mich de afgeluope daag nog ut meiste gerealiseerdj hub is det ich ech serieus krank bun. Sinds ut begin van mien behanjeling noe 176 daag geleeje hub ich wiej raar ut auch klink redelijk good doorstange. Mer noe veul ich mich ech krank van de behanjeling. Veur ut iers det ich mich det realiseer, en det ich doa hiel moeilijk mit om kin goan. De aafgeloupe daag hub ich doa auch gestelijk en mentaal veul meujte mit gehadj. Regelmoatig hub ich zitte janke en te prakkezere wiej noe verder. En mit de steun van de miense diej op bezeuk kwoome bun ich doa auch waal weer oetgekomme. Mer ut blief nog steeds ein hiel erge emotionele periode veur mich.
Auch noe mit die bacterie infectie. Ich merk det ich der meujte mit hub neet zelf ut tempo van herstel te kinne bepaole. Ich hub der auch gein zich op wielang det dit nog allemoal geit doere. Sinds ein weak hub ich gein chemo mier dus de bloodwaardes zeen zich weer aan ut hertelle en ich hoap det mit det herstel auch die bacterie-infectie get sneller onger controle kumpt. Waat mien lichaamlijke herstel nog geit doere weit ich neet mer volges de fysio is ut neet get van ein paar weake.
Mit anger wurd. Veur ut iers besef ich det ich nog hiel lang te goan hub en det ich der nog lang neet bun. En det zal gepaardj goan mit veul downs en ich hoep mit ein paar zeer waardevolle ups. En aaf en toe ins allein of mit eemes anges ins flink oetjanke lucht ech op. Auch veur Rogier Pex
gepost door Pexie @ 20:59
16 reacties
16 reacties:
He Roger,
Es ich dit laes krieg ich auch de kriebels. Mer ja, doe wits auch det er behalve die rotte downs auch hiele sjoane ups zeen. Det in t veuroetzich en natuurlik mit de sjteun van ederein die dich un werm hert toedrage (en det zeen der veul) sleips doe dich er waal doorhaen. Hiel veul groetjes en wer probere binnenkort weer get aaf te spraeke.
Groetjes en une dieke kus
Kim, Stephan & Siem
Met al die downs van de leste weake busse deep motte gaon, en zoa wie ze al zeas, is t nog steeds neet veul beater, mer weer blieve dich steune, troane opdreuge en weer laote vloeje es det mot. Haod vol en haopelik kinse weer snel van de ups geniete en kinne wer weer same lache. Auch den zeen wer der bie!!!
Mat Anita Silas en Kay
Ha Rogier,
Wiej ich gister toes kwoom van mien werk kreeg ich ein telefoontje van Joan. D'r sjiene nog get restante van eine bewaoge karnaval inne kefee te zeen achtergebleve. Geliek vroog Joan mich of ich nog nuuts haaj euver dich. Ómdét ich nog gein nuuje berichte op diene weblog haaj zeen versjiene, höb ich h'm toen versjlaag oetgebrach van waat ich wis van mien bezeuk van aafgeloupe zóndig.
Ofsjoän waal duudelik was det de léste behanjeling de neüdige negatieve oetwirkinge haaj opgeleverdj, is 't toch weer plezerig óm ein nuuj stökske te laeze, auch al geuftj de inhoud daovan gein raeje óm te juiche.
Ut besef waat noe biej dich is doorgedrónge, woor biej mich eigelik geliek aanwezig op dae bewuste woonsdigaovendj in augustus toen ich op 't voetbalveldj in Mofert 't slechte nuuts van Fred te heüre kreeg. Besef van de situasie is op zich neet verkieërdj, zoälang es doe (en weer auch) mer blieve geluive in eine gooje aafloop. In de aafgelaupe maondje höbs ze beweze det ze óndanks alle taegesjlaag positief in de toekoms kieks en det mót veural auch zoä blieve. Zoäver es det meugelik is zal ich, en mit mich nog hieël väöl anger miense, dich blieve steune.
Groetjes en toet zóndig.
Tuur
Kop op, je zegt zelf het komt goed en blijf dat ook volhouden ook al is het makelijk praten voor een buitenstaande.
Wij hopen snel weer eens samen iets te kunnen drinken.
Groetjes Peter en Yvonne
Ich bun vandaag veur de easte keer euver de ganze A73 noa Venray gereje, deazelfde A73 woa ich leep op woonsdig 28 augustus en ein telefoontje kreeg van dich en du met t slechte neuts kwaams euver dien vresleijke ziekte. Ich hub der de ganze weag drear en truk aan motte dinke en dea is lank esse mer 70 cq 90 moogs rieje. Dea A73 bezurgd mich noe nog ein misselik geveul!Haopelik kump dao snel verangering in! XXX Anita
Ha Rogier,
Es ich dien verhoal lees, besef ich weer ins hoe bliej weer moge zeen mit ein gooj gezondjheid en alle kleine, ganse geweune, normale, vanzelfspreakende dinge in 't leave. Dus auch ein besef biej os.
Weer hope det d'r gauw verangering kumptj in dien gezondjheid en det's dich binnekort auch weer kins geneete van diej gans kleine, normaal dinger!!
Hieel veul groetjes en sterktje en weer vergeate dich neet.
Groetjes Jeannette,A3 &kids
HA ROGIER,
Volhaaje-Volhaaje.
Veer zegge det waal, mer du mots het waal doon.
Sterkte en veer dinke aan dich en aan dien femilie, auch al hebt geer der neet veul aan.
Huub Mary Sanne Frank Don Iris.
Ins good oetjanke kan inderdaad ins good opluchte, maar doe hubs de veurbieje periode aug loate zeen det ze auch positief kins kieke noa de toekoms blief det noe auch doon, auch es ze het moeilijk hubs jank den nog maar ins maar blief waal de mood der in hooje det doon weer auch veur dich. weer doeme veur dich en es weer nog get anges veur dich kinne doon heure weer det gear.
groetjes math en christa.
Ha Rogierke,
So wie se zuus, hub ich diene weblog-link ververs, weit ich detse auch noa nuujjoar nog gesjreeve hubs en kin ich ein berichje achterloate. Det hubse mich, ondanks detse neet good draan woors, toch allemaal kinne oetligge. En zoë det ich(!) ut sjnapte ;). Bun blie auch weer get te laeze van dich! En det lachendj gezich noadet ich dinsdig mit dien mam noa hoes ging, deej mich auch good.
W'r zeen os gauw weer.
Groetjes,
St. Cecilia
Ha Roger,
heb een tijdje niet meer gekeken op je weblog omdat ik je regelmatig in en om het baekerhoes zag. De laatste tijd zag ik je niet meer, en nu lees ik waar dat door komt.
Ik weet niet goed wat te zeggen, wil je in elk gaval heel veel sterkte wensen en je bij deze laten weten dat we heel erg voor je duimen en hopen dat je de kracht vindt om steeds weer verder te gaan. Heel veel liefs van Jacqueline Meuwissen
Hey Rogier,
Effe hieël kort: Now ut met Ivar good gieët geluive vae d'rin det ut met dich auch weer de gooje kant op gieët.
Groete dit kieër uut Wieërt!
Ivar, Miranda, Sylvie en Laura
Ha Rogier
Helaas kin ich murge neet mit op bezeuk komme want ich bun op ut moment neet erg bacterie vriej, dus ich blief ver biej dich oet de buurt en oet die van dien mam.Mer aug van ein aafsjtendje dinke veer aan dich en hoape veer det se langzaam weer van de UPS kins geniete.Ut zwumkeartje ligt al kloar, de boeks en de hanjdook al in de tes. Ich hoap weer sjnel te kinne komme of waat nog beater is, ich hoap det ich dich weer sjnel op de sjtatiesweag kin komme opzeuke. Groetjes en eine dikke knoemel van Astrid, Ton NIna en Koen
Hoi Rogier
Ik wil je langs deze weg laten weten dat ik vaak aan je denk. En ik vind dat je een kei bent. Ik denk dat menigeen de knak al veel eerder zou hebben gehad. Van wat ik zo van je lees denk ik elke keer: dat is een sterke ziel! En ik hoop dat je je snel weer wat beter voelt (mentaal), zodat je weer wat kunt opladen van die positieve energie die je bezit.
Liefs Cindy Tholen
Heej Rogier,
Ich höb begreepe det ut vandaag al weer get baeter mit dich geit (mentaal den toch), gelökkig want det is steeds dien sjtérkste punt gewaesj ... en det is woorom ich auch altied dink det se ut waal vol höls. Dén kumsse der ....
Diej bakteeriej kriege ze in het ziekehoes waal klein, blief doe mér sjtérk en blief veuroet kieke, want doa stuitj nog vanalles op dien programma.
Kins-söt.
John
Hoi Rogier,
Ondanks alles gistere toch auch gelache, allein op het leste woar het get te veul.
Es de truffels op zeen is det ein goed tijke. Veer bringe waal nuuje mit de volgende keer.
Groetjes en natuurlijk veul sterkte veur ederein.
Huub Mary Sanne Frank Don Iris
En veurwat neet Rogier Pex? Veer hoove us neet altied eve groet te houwe! Eine groupshug deit altied good. Sterkte en tot zaoterdeg.
Erna Geerlings
Een reactie posten
Aanmelden bij Reacties posten [Atom]
<< Homepage