Kerstmis
Tis kerstaovendj. Inmiddels al 2 kier bezeuk gehadj. Es ierste stong ut bloazersgruupke woo ich op kerstoavendj al ein paar joar mit door ut durp trek aan de deur. Erg leuk om ins ein aubade te kriege in plaats van ze te geave. En doanoa stong ein trio aan de deur te zinge. Zowaal de tradittionele es auch ut moderne kerst-repertoire weardje ten gehuere gebrach.
Ein kerstleedje in de donkere kerstnacht.
O denneboom, O denneboom .......Kerstmis 2007. Ich haj mich dem toch get anges veurgesteld aan ut begin vsn ut joar. Helaas is der get tusse gekomme in de loup van 2007. Op dit moment zit ich midde in ein chemo-kuur, en bun ich nog neet halverweage de behanjeling. De aafgeloupe daag ginge prima. Veurige weak vriedig bun ich nog goan bloodprikke in ut AZM. Alles woor good dus kin ich noe "gewuen" kersmis thoes viere. Zondig bun ich noa ut kerstconcert in ut durp geweas. En esse den noa aafloup in ut Baekerhoes ein tas koffie stuis te drinke is ut net of det der nieks aan de handj is. Ongertusse zit ich nog steeds midde in diej chemo-kuur.
Murge is ut 1ste kerstdaag. Gezellig mit de femilie thoes zeen. Auch det is veur mich vreamdj want de letste joare bun ich altied op ski-vakantie geweas mit de kerst. Det sloan wer dit joar mer ins euver.
Mer van de angere kantj moog ich mich auch gelukkig prieze det de behanjeling good verluptj. Vanaaf ut begin van de behanjeling, eind augustus, toet noe, mot ich toegeave det ut mich neet teage is gevalle. Ut haj allemoal veul erger kinne zeen. Zeker vwaat de biejwerkinge en misselikheid betreftj. Esse in ut ziekehoes liks en doa de verhoale van anger patiente huers den kintj ut allemoal nog veul erger.
Murge bun ich gewuen thoes. Lekker knien in ut zoer eate. En diej chemo-kuur numme wer dem mer ff op de koup toe. Den veltj ut allemoal toch nog bes mit.
In eeder geval wil ich eederein bedanke veur de steun van de aafgeloupe moandje en veur de (kerst)kaarte, sms-jes, telefoontjes en de chatsessies. Ich wins eederein den auch fijne kerstdaag en eine gooje roetsj veur 2008.
gepost door Pexie @ 02:03
6 reacties
6 reacties:
hoi rogier,
Auch veur dich en dien femilie fijn daag.
Wat gaaf det ze thoes bus mit de kerst en det ze dich good veuls.
Geniet der mer lekker van.
Heel veul groetjes en houj dich taai.
Will, Mam en Marian
Ich wins dich en familie fijn daag, vanoet Mestreech. Want der zeen auch leu waat de maatschappie
dreajende motte haoje.
heej Rogier,
Weer wunse dich en de ganse femilie zeker auch fijn daag toe...mit dees daag stoan weer zeker stil biej al diej luuj woobiej 't gein normale daag seen om waat veur reeje den auch. Dich bis doa zeker eine van en weer hoape det 't dich volgendj joar ein stuk beater aaf geit en misjiens kins se zelfs weer op die ski-latte stoan.
Hieel veul groetjes van
jeannette, adri, Raoul en Milas
hey scheetje fijn dat je met kerst thuis bent. we wensen jou en je fam ook fijne dagen en een liefdevol 2008 en dat je er goed door heen gaat komen. love you xxx lin iwan luca
Hoi Rogier,
Auch biej ôs woor het kersgeveul neet wiej angere jaore. De ieërste kieër kerst zônger zowaal mien pap es mam. Weer höbbe 2 kaerskes klaor staon: 1 daovan is speciaal veur dich. Môrge mit aod op nuuj zal deze aangestaoke waere mit de wins det 2008 veur dich ein positief jaor zal zeen. Op 2 jannewari moogse esse wils veur mich doeme. Ich höb den examen om half twieë en dao zeen ich beheurlik taegenop.
Noe alvas ein gooje roetsj. Auch veur de rest van dien femilie.
Gonny
Hey Rogier,
Veer wunsche dich en dien ganse familie ene supergooje roetsch.
Maurice & Helen
Een reactie posten
Aanmelden bij Reacties posten [Atom]
<< Homepage