De 11de van de 11de
Inmiddels is ut zoever. De 11de van de 11de. Veur mich altied eine daag om in Mestreech (en neet in ut AZM) of in Köln royaal get van det geal gerstenat noabinne te werke en de öpening van de vasteloavendj te viere. Mer noe lig ich mit barstendje koppien veur de tillevies noa de öpening op ut vriethof in Mestreech te kieke. Ich haj mich der al biej neergelag det ich de vasteloavendj dit joar zoe goan misse. Mer es ut den einmoal zoever is, den is ut toch baale.
Twiej weake geleje haj ich detzelfde geveul wiej in Ech het Limburgs Kampioensjap veur Zaate Hermeniekes plaatsvonj. Weer hajje doa mit de joekskapel de ier om de kampioensjap te öpene. Veur mich zoe det de aafsloeting zeen geweas van de organisatie van ut LKZH in 2006. Toen hubbe wer det zelf georganiseerdj. Ich haj ut prachtig gevonje om doa op det podium te stoan.
Mer good ut is noe einmoal neet zoe dit joar.Tusse mien veurige berig en noe is der eigelik neet veul bezunjers gebeurdj. Veul noa ut ziekenhoes op en aaf gereeje om blood te laote prikke en de chemo kuur te kriege. Regelmoatig hubbe ze mich auch get blood biej gezatj omdet de hemoglobine duk te lieg woor. Verder is mien leukocytenwaarde gedaaldj toet 0,2. Eigelik extreem lieg en toch kin ich gewuen noa hoes. Doa snap ich neet veul van want wiej ich in ut ziekehoes loog mos diej waarde boave de 1,0 zeen veurdet ich noa hoes moogdje.
Aafgeloupe moandig hub ich de letste chemo gehadj van ut ierste gedeilte van de consolidatiekuur. Noe mot ich aafwachte toetdet mien blood zich weer hersteldj heaf om doanoa mit ut twiede gedeilte van de consolidatiekuur te beginne. Om te kieke of ut blood zich noa moandig hersteldj bun ich inmiddels dinsdig, woonsdig en vriedig in ut AZM geweas. Volgendje weak moandig en woonsdig hub ich auch alweer ein aafsproak stoan om ut blood te controlere. Dus ich verwach det ich urges volgendje weak goan beginne mit ut vervolg van de kuur. Ich hub van de specialist begreepe det diej in eeder geval in ut ziekehoes gegeave geit weare. En det zal ongevier 3 toet 4 weake doere veurdet ich den weer nao hoes moog.
Noe is ut dus gewuen weer aafwachte veurdet ich noa ut ziekehoes mot. Al zal det in de komendje vasteloavestied neet mitvalle. Mer mit de steun van eederein sleip ich mich doa auch waal weer doorhear.
gepost door Pexie @ 11:11
14 reacties
14 reacties:
Jammer desse der neet bie kos zeen rogier, we hubbe dich gemist
Tunke
Ha Pexie,
Waat ein dubbel geveul. Aafgeloupe weekend in Pey-Ech, en noe alweer in Mestreech. 130 feestende Brachtenere en Baekerinnekes, mer ozze Pex neet. Doa heurs doe biej te zeen... In de bus, oppe Vriethoaf. Altied lache, altied zinge, altied sfeer make!
Mer doe wits wo se veur vechts, en we vechte mit dich mit! Ich hoap/dink detse de tied bestjeeds aan dichzelf, num dien rust, zodet we dich sjnel weer 100% moge ervare.
Pexie, we doeme veur dich! En zoès Ben Verdelle het vandaag verweurde:
"Euveral lig gelök verborge, want det is weer enne nuuje murge. Waat d'n daag auch bringe maag, ich haut van Bloome ich haut van vandaag".
Zet em op!
Gr Geert
Tja, t is de Pexfactor waat wer vandaag hubbe gemis!En dea dich kintj wit waat det beteikendj
he rogier,
Mit kippevel zit ich te kieke noa de fotoos die se d'r bie gedoan hubs. Zoa bus doe op dien best!
ich kin mich auch moeilik veurstelle det se dit jaor neet d't bie zuls zeen. Anita haet geliek: de pexfactor ontbrikt.
veul sterkte bie de komende kuur.
leefs rudie
Ha Pexie,
Wie geert het verwoarde kin ich het eigenlijk neet meer baeter zigge.
Doe huirs drbie te zeen en wer hubbe auch aan dich gedach!
Volgend joar bus doe dr weer bie!!!
Terwiel ich dit sjrief klinkt auch hiej Ben Verdellen door de kamer.
Heel veul sterkte het pexie!
Fraevers
Heej Rogier,
Ich sjloet mich biej de veurige sjrievers aan (al kin ich Ben Verdellen neet). Hoaij volle de kommendje kuur ..... dae Pex-faktor is ter aevegood allein krieg weer dem noe effe neet mit.
Zittem op.
John
Hay Rogier, aug ich kin mich allein mer biej anita aansjloete es veer ut hubbe euver de gemiste pexfactor. Veer hubbe dien aanwezigheid gemist en natuurlik aug ein klein bietje det "boekkusse"van dich, det os door menig vermeujend karnevals uurke heat geholpe!!!
Ha Pex,
Alweer eine tied geleje det ich get hob gesjreve, mer det wiltj neet zegge det weer (Jem en ich) neet mier aan dich denke. Weer doeme auch hiej biej os veur dich.
Ich hob natuurlik de vastelaovendj al ein paar jaor gemis, mer kin mich hiel good veurstelle wie ofdets se dich veuls, mer de gezondjheid geitj natuurlik veur alles. Ich zoe zegge, haod dich rustig, doog gein gekke dinger en loester nao waat de dokter, en de pap en de mam dich vertelle. Du wits in eeder geval det es dit allemaol achter de rug is, de koffie en de vlaai hiej biej os klaor staon, want weer hobbe dink ich nog waal ein bezoekje tegooi van dich :).
Groetjes vanoet Elkins Park aan dich, de pap en de mam en aan Lilian en Fred.
Jan-Willem en Jem
Ha Sjeeke,
wiedet se al wist zeen weer aafgeloupe zondig in kölle gewaes.
Vandaag "inmiddels gister" zeen wer waal allemaoal inne Dom gegange om veur dich ein kaes aan te staeke. Neeke wol eigelik de hiele dom aanstaeke, mer weer höbbe het biej ein kaes (x8) gehoaje. Dit is inderdaad wiej al diegene waat veur mich höbbe gesjreve ein dubbel geveul.
Grüß die Hünnchen en weer zeen, belle, of sjrieve oos hiel gauw.
Joan
Ha Rogier,
Wiej ich aafgeloupe zondig nao de televies nao de eupening van de 11de van de 11de in mestreech keek.....hub ich auch gezag en gedach: "waat zal dit eine ongeleuflike rottied zeen veur Rogier, dich heurs d'r geweun biej te zeen".
Gister biej SinterMert..woar ich ich allein mit de jonges John en Huub, mer ich misjde dae angere jong oppe hoorn...det woars dich...!!!
Ich leaf mit dich mit en wins dich (en femilie) hieel veul sterktje de kommendje kuur en tied...en hoape det se toch aaf en toe in de carnevalstied d'r biej kins seen !!!
Leefs Jeannette
Ich zeen noe pas detze de 11de van de 11de precies om 11.11 oer drop höbs gezatj, doe bliefs mich verbaaze......
John
hoi kerel de carnaval zonder dich is eigelijk geen canaval ik weet dat dit je lust en leven is ik hoop dAt je er bij zal zijn al is het zo op kleine schaal het zal je sterken en hoop en kracht geven ik heb steeds meer bewondering voor je gekregen hoe je de draad op pakt ik lees je verhaal regelmatig en ik denk tijd op tijd aan dich veel sterkte jong gr bert bergs
De waeke vleege veurbie.... wieuwwwwwwwwwwwwwwww.....
Tis alweer de 24ste, en hie is de Kloas-stumming in volle gang. Kriesse doa auch nog get van mit??
Ig waas donderdig in Brach (kom ig bienoa noeait) en gek.... toe dach ig: wie zoeaj ut Rogier goan.....
Ig hoap good!
Sterkdje!!
Nicole
Het zal inderdaad veur dich balen zeen. Mit het carnavaldgebeure weer in 't geschiet. Mer dink er mer aan. Volgend joar bis se der weer bie. Hiel veul sterkte mit dien kuur.
Groetjes Lydia
Een reactie posten
Aanmelden bij Reacties posten [Atom]
<< Homepage