Op noa de volgendje kuur
Sinds zaoterdig bun ich weer thoes. In mien veurig berich sjreef ich nog van 39,5 koorts en sinds dea tied is ut steeds beater gegange. De oetslaag is steeds minder gewoare en de koorts auch. Auch ut voch in de bein en erm zeen steeds minder gewoare vanaaf woonsdig. Vriedig murge woor ich veur de ierste kier weer koortsvriej. Dit is auch zoa gebleeve en doarom kos ich zoaterdig den weer noa hoes. Om 1 oer smiddigs kwoom de doctor biej mich om te zegge det ich noa hoes kos. Toen hub ich noa hoes gebeldj en ff veur 3 woor ich weer thoes.
Zoaterdig oavendj bun ich ff op ut fiesje van Anita en Mat geweas. Errug gezellug mer toch vermeujendj. Dus helaas mos ich toch al redelik vreug ut fiesgedruis verloate. Mer ut woor toch leuk om 7 weake noa de zomerboerebroelof weer ins op ein fiesje te kinne zeen.
Zunjig hub ich veul gesloape en good oetgerusj. Moandig murge alweer telefoon van Mestreech. Of ich ff blood kos komme loate prikke om de waardes ff te controlere. Mer good ffkes veltj den vies teage. Dus hub ich de taxi (ziekevervoer via CZ) gebeldj en bun ich doamit noa Mestreech gegange. Ff op en aaf om blood te prikke. Ongerhalf oer bun ich weg geweas. Taxi kosten €192,-.
Disndig begin ich den aan de vervolgkuur. De bloodwaardes zeen good dus ich mot mich murge om 9.00 oer op ut dagcentrum melje veur de volgendje chemokuur. Ein zekske chemo via ein infuus, ein spuitje in de boek en auch krieg ich murge eine ruggeprik.
Es ut good is bun ich rondj de middig weer kloar en kin ich weer noa hoes. Woonsdig mot ich auch weer noa Mestreech mer wiejlang det det geit doere weit ich neet. Verder mot ich 3 weake pille goan slikke. Ut wurdj dus noe weer driej weake aafwachte wiej mich de pille en de chemo bekomme. Ich hoap det ich der net zoa weinig las van krieg es biej de ierste kuur.
gepost door Pexie @ 20:01
11 reacties
11 reacties:
Hallo rogier,
Goot om te huere det se weer toes bus. Noe mit gooje moot (waat se gelukkig noch sjteeds hubs) weer verder mit de vervolgkuur chemo. Ich hoap inderdaad det deeze dich goot aaf geit. Mer mit dien positieve insjtelling mot det vas en zeker lukke. Veul succes der mit en ich zal ins aaf en toe aan de raam kieke of ich dich zeen langs wanjele.
Veul succes der mit.
Groetjes Patrick, Suzanne en Brent
Ha Rogierke,
Weer doeme veur dich det se diej nuuj kuur hieel good door moogs komme.
En hoapelik blieftj diej verdomde koorts noe auch weg en hubs se net so weinig biejwirkinge es de veurige kieer....kins se misjien weer gaon wanjele en ein bietje boete-loch snoeve.
Veul succes,
A3, jeannette en kids
Ha Roger, ich wow geweun effe zegge det ich mit dich mitlaef. Hiel veul sterkte veur de volgendje runj! Ed.
Daag Rogier,
Good nuuts te laeze desse weer thoes bös en auch al ein fiësje achter de rûk höbs. Ich weet zeker desse dees rit minder last kries vanne mediciene es de veurige kier.
Verder wol ich toch effkes diene weblog "misbroeke" veur get nuuts waereldkundig te make:
Groete van Ivar, Miranda, Laura en Sylvie
Ich wol dich toch hiel gaer oppe heugdje sjtelle van mien vadersjap! Vandaag rondj zeven oer dezenoavendj bön ich vader gewoare van tjwie hiel sjoan, leeve, gezonj meadjes. Ver höbbe os veurgenomme ze aan te sjpreake mit Sylvie en Laura. Het waas ein hiel worsteling veur mooder en kinjer, mer het resultaat moog der zeen!!
Waat ware blie dets du bie os op det feestje waars. Det waas waal ein suprise-act. Hubse dich ein bietje mood hubs kinne indrinke
(al waas t spa) veur de kommende daag! Hooj dich good en den op nao t volgende feestje!
Leefs Mat,Anita,Silas en Kay
Hoi Rogier,
Wat fein det ze toch weer thoes bus. Veer winse dich alle goods veur de komendje weake.
Veule groete van Will Beckers, Marian en Mam.
Ha pexie,
Woor blie dich weer te zeen zoaterdig op een feestje, want eigenlijk kinse eigelik auch neet gemis waere es dr get te feeste is:).
Auch ich hoap det dich dees kuur auch good aaf geit!
heel veul sterkte,
Fraevers
Ha Pex,
Fijn om te heure det se dich weer gemingd hobs onger de miense die gein zuk mit bolkes, streepkes of anger "interessante" prints draage.
Greetz Kim
groetjes Stephan
Heej Rogier,
Bliej det het dich (toch zeker aaf en toe) good geit. Ich hoap det se de vervolgkuur en de pille ein bietje doorstuis. In eeder geval höbsse gooije mood, det sjeeltj en det höltj dich oppe bein.
Blief veuralle meele / sjrieve / belle / esemesse en fakse.
Groete John / Rudie enne bups
Hoi Rogier,
ik kin dich noe al ganz get joare en hub altied al dien positieve instelling bewonjert. Ich weet neet of ich dich dat noa zou doen. Blief zoe en loat dich neet kiste. Vur dinke aan dich. Sjterkte en vur blieve dich volge. Gelukkig hubs ze ooch verstanj van compoetere en kinne vur ons zoe nog get in de gaate hoete.
Mijn dialect moet ik nog wat meer oefenen, praten is een ding, maar schrijven.
Groetjes en liefs Mireille en Jan.
Ha Rogier,
Rogier, es doe verveur neudig hebs
en doe kriegs het neet van CZ vergeud, wil ich (Mary)es ich kin bes mit dich mit gaon, eventueel in diene auto, omdet ich neet altied ooze auto heb.
Bel mich mer es het zover is,den kenne veer probeere get te regele. Auch es het effkes mot gebeure.
Die 192 euro kinsse beater later veur ein skivakantie reservere.
Groetjes en haai dich good
Mary Huub Sanne Frank Don Iris
(Miranda, Ivar en families
........PROFICIAT...........
Een reactie posten
Aanmelden bij Reacties posten [Atom]
<< Homepage