Koorts
Sinds ut weekend begin ich euveral oetslaag te kriege. Ich woor nog eigelik neet biejgekomme van ut gooj nuujs det ut beinmerg zuuver woor kriegs dit weer. zoaterdig ging ut nog mer zondig woor ut alweer ein hiel stuk erger. En noe maaktj dea oetslaag nieks oet mer dea jeuk dea doabiej heurdj is nog veul erger. Dus moandig toch mer weer noa Mestreech gebeldj. Noa 5 kier doorverbonje te zeen krieg ich den eindelik van Gelder draan. Dem alles oetgelag en oeteindelijk vroog dea. Wiejlang ich diej kuur nog moos doorslikke. Wiej ich hum verteldje det ich toet woonsdig pille haj gekreege zei der det ich den mer mit mos stoppe.
Dinsdigmiddig wool ich mien rundje door de baek goan loupe en toen merkdje ich al det get neet good woor. Ich kwoom geine meater veuroet. Dus ich hub ein korter rundje gemaaktj. Wiej ich thoes kwoom, woor ich totaal oetgeteldj. Veur de zekerheid de temperatuur gemeate. 39 grade koorts. nog ins gemeate nog steeds 39 grade. Bun ich mich goan douche en doanoa mit mentholpoejer ingestreeke om de jeuk van de oetslaag ein bietje te ongedrukke. Toen mer weer op de bank gelag onger ein dieke deake want ich kreeg weer ein koaj aanval. Riejere wiej eine gek van de koaj. Oeteindelijk toch mer weer Mestreech gebeldj en diej wolle mich drek op de Ierste Hulp zeen. Om 10 oer soaves woor ich doa. En om 3 oer snach reeje ze mich noa de aafdeiling. Doa hub ich 2 zekskes blood gekreege om det mien HB veul te lieg woor. De Leukocytewaarde woor trouwes 3 dus diej is good gesteege. Waal hiel slech gesloape omdet eeder keir die pomp van de infuus begos te piepe.
Inmiddels is ut woonsdig aovendj en lig ich nog steeds in Mestreech. 39,5 koorts haj ich net. Dus noe is ut aafwachte toetdet de koorts weg geit. Der zeen al versjillende buuskes blood aafgenomme om op kweek te zitte. En zoalang es neet duudelijk is waat veur bacterie ich in mien lief hub, krieg ich gein antibiotica. Dus veurluipig is ut weer gewuen aafwach.
Vandaag is Vandaag en Murge is Murge
gepost door Pexie @ 19:31
11 reacties
11 reacties:
Hoi Rogier, dit is neet zon fijn nuutjs waats se os noe vertels. Ut zuut der noa oet det wer dich get lasanga motte invreze, want ich num aan det se in mesjtreeg neet bliej zien es ver komme koake op lokatie.Zeg, doe bus toch neet alergisch veur mien mutske he? Ich zoe det toch ens aan dokter van Gelder vroage of ze doa neet op kinne teste, doe wits mer noojt. Gelukkig is de leukocytewaarde al goot gesjtege, dus det is waal positief.Ich kin allein mer zegge, hooi mooten veer zeen of heure os weer gauw.
Groetjes van Ton, Astrid Nina en Koen
Hoi Rogier,waat is dit noe toch weer vervelend veur dich! Du zags waal det ich mich neet mos schrikke, mer det deeg ich toch. Weer haope det de temperatuur in Mestreech snel weer toet normaal daalt en detse volgende waek geweun met dien schema verder kins en det vanoet de Stationsweag. En esse dit weekend nog dao bus: dink draan! Veur os busse toch der bie, auch al zulle weer dich verschrikkelik misse!!!
Ha Pexie,
Det is weer sjoan klote, nog ein infectie... Jaomer auch omdet se noe weer nao det kaemerke in Mestreech mos, mer ja 39.5 graden koorts is natuurlik neet nieks. Ich haop veur dich det se snel weer ein bietje opknaps! Ich doem d'r in eeder geval veur.
Jeroen
Ha Rogier,
Op dit saort supplemente veur in de Weblog-klapper zoot ich noe toch ech neet te wachte.
Mèl alla, dao kins doe auch nieks aan doon.
Ich gaon d'r van oet det ze in Mestreech kundig genôg zeen om deze taegesjlaag te euverwinne.
Haoj de mood d'rin en w'r zeen ôs kômmendje zôndig waal weer (egaal wo).
Tuur
Ha Rogier,
Veer hoape dets du net aas Huub ein griepke hebs. Huub laag zonjigovendj auch te bibberre wie eine kwekkert. Es ter mer neet weer ein of anger bacterie aan het opspele is.
Veul sterkte en veer doeme det het gauw beater geit mit tich.
Groetjes
Huub Mary vanoet de Baek
Sanne Frank vanoet Vancouver
Don vanoet Eindhove-Iris vanoet Lin.
Hoi Rogier,
Hèhè, bös se weer lekker gewindj thoes, höbs se dit weer. Det die bieësjes toch oet dien lief blieve! Ich haop det se neet al te lang in Mesjtreech hoofs te blieve en det weer dich weer gauw inne Baek zeen rondjwanjele.
Rogier, weer winse dich vaöl sjterkte! Toet gauw.
Groetjes, Jean-Pierre (vanoet Oosteriek), Maud, Syb en Feya (gewuuan vanoet Brach).
He Rogier,
Dat is mooi kut. Zorg er maar voor dat je weer snel terug in Maasbracht (de Baek is immers ook Maasbracht) komt. Veel sterkte en groetjes Marco
Hallo Rogier,
Balen zeg, ik hoop dat je dit snel overwint. Ik wens je heel veel good luck. Ik zal voor je duimen.
Rogier, alweer eine tègeslaag. Doa môs doe dr neet zoë vöal van te verwirke kriege. Ich hoap det se de verjoardig van diene pap lekker toes in de Baek kins viere en niet "allein" op dien kèmerke in Mesjtreech. Hiël voal sterkje!! Groetjes oet Lin, van Sandra, Bert, Lowie en eine poat van Hector.
Hei Roger,
veul sterkte vanoet mestreech van de Jodymoons!
kuskes
Johan&Digna
Rogierke toch, Het is toch get mit dich. Ich hub vorige waek nog noa dich kinne zjweije. Jammer det ich neet effkes mit dich kos kalle. Trouwens, det mutske steat dich good.
Sterkte mer weer.
Groetjes van Lydia
Een reactie posten
Aanmelden bij Reacties posten [Atom]
<< Homepage