Beinmerg is zuuver
Ich hub net telefoon gehadj det mien beinmerg zuuver is. Dit wiltj zegge det de eirste kuur good is aangeslaage en det ich neet veur nieks 4 weake in ut ziekenhoes hub geleage en al dea troep noa binne hub gekreege.
Ongertusse is waal weer get verangerdj in de planning van de vervolgkuur. Diej wurdj noe ein weak opgesjoave. Vannach haj ich namelijk koorts gekreege, door diej onsteaking in ut bloodvaat. 38,4 woor de temperatuur en es diej 38,5 is, mot ich drek Mestreech belle, want den wurdj ut waarsjienlijk ein enkeltje Mestreech. Om 6 oer vannach woor de temperatuur nog steeds 38,4 mer wiej ich vanmurge om 10 oer opsting woor de koorts gelukkig weg. Wiej ich det teage van Gelder verteldje wiej dea net beldje zei dea drek det ut neet verstenjig woor om mit die ontsteaking chemo te goan geave. Dus noe mot ich volgende weak vriedig blood loate prikke en es det good is zal ich die weak drop waal beginne mit de vervolgkuur.
Ut belangriekste veur noe is in eedere geval det mien beinmerg volledig vriej is van leukemiecelle. En noe hub ich auch nog ein weak langer de tied om weer op krach te komme. Det is trouwes hel neudig want det wanjele veltj nog neet mit.
gepost door Pexie @ 17:01
12 reacties
12 reacties:
Gefeliciteerd Rogier.
Geweldig det ut beinmerg zuuver is. En det ze nog un weakske van dich aaf blieve is op zich auch neet slecht. Gank de komende weak met dien paars mutske mer dageliks euver de Stationsweg flaneren en den bes ze auch weer zo biej krachten. Gefeliciteerd en toet binnekort.
Groet Paul
Waat ein geweldig neuts! Dit geuf de burger toch weer mood! Dea mood deas du der in idder geval steeds in hubs gehaoje. Ich gaon der auch van oet det dien instelling ein positieve rol in dien behanjeling heat gehadj en zal bleive hubbe. En weer doon oos best, os die instelling eige te make, det weer dich dao in kinne biestaon.GAnk zo door! Heal veul leefs van Mat, Anita, Silas en Kay
Gelukkig det dien beinmerg zuuver is! De eerste chemo haet zien werk gedoan, good nuuts!
Weer zeen blie det de eerste behanjeling good is gegange! Gank zo door Pexie!
Weer dinke aan dich,
Fraevers en Jaevers+Maevers
Proficiat Rogier,
Harstikke good nuuts.
En noe goan wer allemoal doeme det de rest van die behanjelinge auch zoo good blieve goan.
Har en Annie
WAUW!!!!
Det is GOOD nuuts!!
Greetz
Nicole
Rogier, Proficiat!!!!!!!!
Gelukkig hebbe veer oos veur nieks zorge gemaaktj.
Mer het doerde auch zolang.
Gank zoo door. De keirse branje noe auch veur dich.
Groetjes
Huub Mary Sanne Frank Don en Iris
Hoi ROGIER
Weer zeen herstikke blie veur dich det 't beinmerg good is en den mer haope det 't zao blif.
groetjes Hary Riny en Roland. Weer zeen oos nog waal.
Hoi Rogier:
proficiat det is good nuuts, wer zeen harstikke blie vuer dich.
En noe ff aansterke in thoes in de beak
weer blieve aan dich dinke, succes !!!
Geert , Marleen en de kids
Haa Rogierke,
Fantastisch nuujts van det gooie zuuvere beinmerg. Det kumtj vast auch ein bietje door dien ongeleuflik positieve mood. Doe hubs oos al verteldj det se vanne koorts auch doodkrank kins zeen (wiej dae meneer oet Lin waat biej dich op de aafdeling loog), dus weer doeme det dich hoogere koorts bespaartj blieftj.
Hooj mood en veul leefs van
Jeannette, Adri, Raoul en Milas
Hee Rogier,
Das good nuuts! Enne 'n waekske effe nieks, is toch auch neet errug of waal? Allein de reden worum is iets minder, zo'n ontschtaeking liek mich auch neet ech fijn. Mer good, geit toch allemaal weer de gooje kant op en das geweun perfect nuuts!!!!
Groeten Maurice & Helen
Hei Pex,
Zegk det is sjrikke, ich trof Lilian gister in Mofert, wie weer aan ut fietse woare.
Ut veel mich effe rouw op ut daak.
Vandaag bun ich nao ut werk geliek diene weblog gaon laeze.
Ut zitj allemaol neet mit, mer doe zoets Pex neet zeen esse geine moot haows.
Ich hoap det ze dae auch blifs haoje.
t,is nattuurlik weer ein paar joar geleje det veer os gezeen en gespraoke hobbe.Mer Pex oet ut oug is neet oet ut hart.
Ich zoe dich den ouch ens gaer wille komme opzeuke.Ich begriep oet dien berigjes det ze thoes bos
en de koamendje kure poliklinisch duis.Dus ich zal dich dees daag ens belle om langs tekomme.
Pex hauj dich good en weer dinke allemaol aan dich en natuurlik auch aan de res vanne femilie,
De groete vanoet ut Henge,
Riekie en de femilie
roger,
proficiat .zo langzamerhandj kumptj alles weer op zien peutjes terrecht.gr, sjaak smeets
Een reactie posten
Aanmelden bij Reacties posten [Atom]
<< Homepage