Noe wurdj ut spannend
Dit woor den ut weekend. Ich veul mich prima. Vanmiddig lekker gegeate en doanoa wool ich ff noa de ChampCar Races op Assen kieke. Ich gluif det ich hiel veul rundjes gemis hub. Om drie oer kwoom ut bezeuk. Toet ach oer door is hiej de deur platgeloape. Erg fijn vinj ich det. Den geit de tied auch snel veurbiej. Iers kwoom mam mit Tuur en toen Ankie mit Cyril en doanoa Rene en Ilse en oeteindelijk ome Sjra (dea heat mam auch weer mit noa hoes genomme). Det systeem werktj good. Geweun ff noa mam belle (0475-463563) want diej witj weam wienier op bezeuk kumptj, en omdet diej zelf gein riebewies heaf kintj se zich den auch nog ut verveur regele.
Mit ome Sjra en mam alles nog ins de revu loate passeere. Ome Sjra de weatj anges auch waal wiej det allemoal reist en zeiltj. Ich realiseer mich noe waal det ut moment van die Chemokuur steeds korter biej kumptj. Ich hoap murge te heure waat kommendje weak allemol geit gebeure. Noe wurdj ut toch waal erg spannendj. Wie zal ich mich goan veule. Sluit de chemokuur aan. Allemoal vroage woo ich noe gein antjwoard op hub. Ich kan allein mer aafwacht en haope det oeteindelijk alles good kumptj.
Vandaag is Vandsag en Murge is Murge.
gepost door Pexie @ 21:09
24 reacties
24 reacties:
Hoi Rogier,
Geweldig dets dich dae weblog gemaakt hubs.
Noe hoofs dich neet mier tich kier hetzelfdje verhaol te vertelle.
Ich merk dets doe hiel positief bliefs. Dit is veur eederein ein stuk gemekkelikker en ich ben der zeker van det het dich ein stuk verder zal bringe! Ich zoog de taekening van Stijn op het prikbord hange. Hae vonj het leuk om te zeen.
Rogier blief mood hoaje, weer dinke daag en nacht aan dich, en dien familie en de kaerse branje volop.
Veul sukses de kommende waeke met de chemo's, we blieve dich volge!
Waem witj waat ze de verpleegsters nog allemaol kins leere!
Eine dieke knoemel Rosette en de kinjer.
Ha, dae Rogier,
Wie is 't toch meugelik, zonne baum van eine vent...! Mer ich hor en leas op dien weblog det se mit dien karakter en mood noch steeds eine flinke vent en groate kearel bus. Probeer dae mood te hoaje...zodet se euver eine tied weer op de stjool neave mich sits biej de fanfaar. Die plek van dich hoaje weer zeker vriej !!!
Rogier, noa mien vakantie kom ich dich zeker opzeuke...hooj dich good en ich bief dich in mien vakansie volge via os collega-hoorntjes.
Weer dinke aan dich (en dien femilie), hiel veul sukses en hoaj dich good de kommende waeke !
Groetjes Jeannette (en auc h van A3+kids)
Ha Rogier,
Ich wil dich names de leje en het besjtuur vanne voetbalclub van herte beatersjap toewinse.
Ich bun zoa vrie gewaes om het adres van diene weblog noa eederein vanne club door te maile.
Hoapelik geit eederein maile den kumpt zeker alles good !!!
Blief positief en hoaj mood !!!
Groete
Wil Coolen
Hoi Rogier,
Ik las net het bericht van Tuur, dat je bent opgenomen in het ziekenhuis. Ik schrok wel even, dit is niet niks. Ik kan je op dit moment alleen maar heel veel sterkte toewensen en buitengewoon succes. Ik hoop en wens dat de behandeling het gewenste effect heeft en je er weer snel bovenop komt. We denken aan je. Nogmaals veel sterkte en beterschap gewenst. Hartelijke groeten
Han en Ina Kleefman
Ha Rogier,
Weer hubbe net alles zitte laeze en doe bus eine echte gooje sjriever. Good om te laeze det ze positief bus en det ze dich bes good veuls. Hoaj det vol!!
Ich haj inmiddels al mit dien mam en dien zuster gebeld en ja, 't systeem wirktj. Ich kom dinsdig mit dien mam op bezeuk.
Hoad dich good jong en toet dinsdig
Groetjes
Sue, Jean-Pierre en Wouter
en auch nog van St. Cécilia die in Spanje zitj.
Ha Rogier,
Vae hubbe vandaag mit de femilie Welters (Henk, Helga, Sue, Sem, Marlies, John en natuurlijk tant Lenie) ge-BBQ-ed. Doa weardje os verteltj des doe ein weblog hubs gemaaktj. Kei good man! Schrief alles mer van dich aaf. Wetj auch eederein dea dien versjlaag leustj wie ut mit dich geitj. Ich zal mit dien mam cetactj opnumme veur ein bezeukske te regele ein van dees daag. Ich dink intj dees weak eurges. Haai vol en toet sjnel.
PS: mooge waal zwangere vrouwluuj bie dich oppe kamer komme??
Ivar, Miranda en de tjwie in aantocht
Hoi Buurman,
Waat höbs du os loate schrikken!
Ich höb vanmiddig dien weblog-adres gekrege van Joan Puts en zoe effe dien verhoal gelese. Toos en ich höbben hiel veul respec veur dich. Maak dich maar neet ongerus euver diene hoaf ich zal het onkruid goot verzurgen! Veer komme snel bie dich aan en zulle det dan aan dien mam loate weiten.
Ich weit neet of se dit vandaag nog zals laese maar veer winse dicht veur mörge en de kommenjde tied hiel veul sterkte en succes!
Groetjes Toos en John!
Ha sjeeke,
Ich wie neet of ich bliej bön om dien weblogadres aan eederein dae het wiltj weete te gaeve. Het is neet te gelueve wie eederein mit dich met veuldj. Noe bön ich eeder nach noch langer bezig om alles te laeze.
Onzin Natuurlik bön ich herstikke bliej daomit. Het is allein mer sjoaën wiej eederein reageerdj.
Zoë bösse teminste lekker dun biej os.
Hoad mood,
Groetjes,
Joan
Hey Rogier,
Ich wil dich names Astrid en mich auch hiël veul sjterkte en mood toewinse.
Blief Positief den kins se alles aan! En es ut unne kear wat teage zit: auch det geit waal weer verbie.
Groetjes
Ruud Gisbertz
Ha Rogier,
Zo wie ich van Har heurdje is auch biej AVH ut nuus euver diene leukemie ingeslage wie ein bom.
Ich hub m vandaag dien weblog adres mitgegeve zo det se doa auch dien verhoal kinne volge.
Rogier blief zo positief es se toet noe steeds bus geweesj, mer ich dink det det dich waal toevertroewtj is. En es se ut ins effekes zwoar hubs, probeer doa den weer zo gauw meugelik euver heer te komme.
Rogier veul sukses en weer dinke aan dich.
groete oet brach
van Har, Annie, Lianne en Ralf
Ha Pexie,
Ich huirde gister pas van mam detse woors opgenoame in het ziekenhoes, omdet ich net truuk kwoom van spanje. Ich bun mich kepot gesjrokke en woor dr waal un bietje vanaaf..
Ich zoe gaer ein van dees daag unne keer langs komme es ich toch in mestreech bun esse det good vins!
Weer dinke aan dich, heel heel veul sterkte!
Fraevers
Hey Rogier,
Bun bliej detse un weblog hubs gemaaktj..kinse tenminste van dich aaf sjrieve en os direct op de heugte hoaje wie ut geit en dets doe der teageneuver stuis!!
Hiel veul sterkte mit alles!! We dinke aan dich!!
Ruud en Rian
Hoi Rogier
Limburgs schrijven kan ik niet dus dat laat ik maar snel achterwege of je moet zin hebben om helemaal in een deuk te liggen dan wil ik wel een verhaaltje maken.
Ook hier is pas net het bericht van je opname binnengedrongen en ook hier totale verbijstering, hoe is het toch allemaal mogelijk,en blijft je nu niks gespaard.
Maar we weten ook dat je een positief menke bent en een mega wil om te vechten dus met steun van alle kanten komt het helemaal oke..
heel veel sterkte toegewenst
Frans en Christel
Hoi Rogier,
De weblog is ein good initiatief. Waat un reakties. Hubs doe nog tied veur de doktoren?
Gisteren hubbe Karin en de kinjer kaerse veur dich opgestoake(ich mos vlagge) bie Kapel in ut Zandj. Mam van mich geit det auch nog doon. Ein vraemd verhoal mer det haet vreuger bie mich geholpe. Mer det vertel ich dich nog waal ins. In elk geval heel veul sterkte mit de kuur en loat dich d'r neet onger kriege. Weer, en zo te zeen auch ut hele durp laeve mit dich mit.
Har + Karin + Nick + Cas
Hoi Rogierke,
Woonsdig bie mam oppe verjeurdig ut nuujts geheuardj.
De volgendje daag woor ozze Jop jeurig, dea weardje 1 jaor. Dae kreeg duplo veur de verjeurdig en ut klink misjiens gek, mer door dae lego (ich sjpeel dao dus noe auch weer dageliks mit, wer hubbe vakansie) mot ich sjteeds aan dich dinke. Same oppe zolder knutsele en doe dae mich veur de meis onnuzzele opdrachte nao onger sjtuurdes om Lilian en Maud vraoge te sjtelle, ich mot der nog altied om lache....is det bleiksjeet???
Rogier, auch hie vanoet Ech wille wer dich enorm veual sjterkdje en gooje mood toewinse, auch veur dien pap, mam, Lilian en Fred.
Wer dinke aan dich.
Eine dieke kus, Nicole en the boys (Jop, Lars en Michel)
Ha Rogier,
Jong, weer bewonjere dien positieve insjtelling. Weer dinke det t good is alles van dich aaf te sjrieve.
Iers die sjoin zomerboerebroelof en den op woonsdig zon nuuts.
Weer haje veul leever anger dinger gehuirdj.
Weer winse dich veul sjterkte mit alles (en zeker auch veur de res vanne femilie.)
Nao os vakantie komme weer dich besjlis opzeuke en laote Elsje en Néke get weite ivm bezeuk- en taxi-planning.
Rogier, haoj dich good en groetjes
van John en Marlies ( Jaevers en Maevers) en tante Leny
Hoi Rogier,
Waat dach se, gank maar noa Maastreech. Remunj is neet mier veilig sinds ich doa aan de knuupkes zit.
Ich haaj mich uns gaer mit dien knuupkes gemeutj.
Kom binnekort waal uns kieke.
Hiel veul succes kommende tied,weer dinke aan dich!
groetjes Paula en Michiel
Ha Rogier,
Net es zoveule kin ach ich de weurd moeijlik vinje. Hub ich normaal gesproake neet zo snel last van.
Ich hub nog neet de tied gehadj om dich op te zeuke, mer zal dit doon zo snel se ein bietje hersteldj bes van de eerste kuur. Helaas kin ich d'r weinig (zek mer helemaol niks) aan doon om dees zwaor last enigzins te verlichte. Anges had ich det, en met mich heel Limburg, gaer gedoan. Gelukkig hub ich d'r alle vertroewe in dets toe dees klus auch allein kins klaore. En det zekgendje kins ze eigelik stelle det deze hele sante kraom neet neudig is want ze kriege dich d'r toch neet onger door.
Met unne groet vol vertroewe en respect,
Paul
Hoi Rogierke,
Veer vinje diene weblog fantastisch!!! En hòbbe dan auch alles gelaeze toet noe toe, veer motte dich prieze wie optimistisch en humoristisch desse altied bliefs (mer eigelik kinne veer dich neet angers) es klein menke hòb ich(Rinie)dich vaker mit Maud opgezoch in 't ziekehoes, altied vrolik en mit dae onnavolgbare lach van dich d'rbiej. Mer doe hòbs òs waal erg laote sjrikke menke en daorom is 't zo geweldig wie veul miense mit dich mitlaeve en veer haope dan auch van ganser hèrte det dae gooje mood dich toet grote sjteun is in de kommende tied.
Toet sjlot hieël veul sjterkde natuurlik auch veur dien pap,mam,Lilian en Fred en 't allerbèste en....natuurlik dinke veer aan dich.
PS: het verhaol van de kabel en 't stopcontact waor heerlik om te laeze, dao hòb se gluif ich ech van genaote!!!!!!
Hieël hèrtelike groetjes van
Harie en Rinie
Ha Rogier,
Zeker 3 kier per daag kieke weer op dien weblog. John haet daorom mer ein sjnelkopppeling gemaaktj.
Ut is fijn omdet weer zoa toch ein bietje ut geveul hobbe mit dich te kinne kalle.
Ondanks det weer ut hiel erg vinje wet ze mitmaaks in ut ziekehoes hobbe weer toch auch erg moate lache om dien verhoal euver ut techniese inzicht vanne verpleging.
Ich kin mich hielemoal veurstelle wie dreug dets doe gezag hubs det d'r op "oet" stong.
Zal ich dich ins get stoms vertelle: Ich hub in mien hiele laeve nog noeit ein kaers veur eemes aangestoake. Omdet ich neet geleuf det det kint werke. Mer noe ich al die reacties van dien vrunj laes, dink ich zal ich den veur dich det toch mer ins probere....
Ich wil gaer dees waek nog effe bie dich binne loape, zal dien mam wael belle of det kintj.
Rogier hiel veul sterktje mit de chemokuren, haoj dich good.
leefs rudie en de bubs
Ha dae Rogier.
Aafgeloape woonsdig krege weer van Rosette te heure det ze leukemie hebs en opgenome bes gewoare in Mestreech. Oos eiste reactie waar der ein die neet veur publicatie geschikt is(weer weate neet of oos kinjer dit auch nog ins goan leaze). Knap det ze dich zoa snel al bieein hebs geraeptj en op dees maneer dien omgeaving leats mit deile in dien ziekte/genaezingsproces.
Weer leave met dich en dien familie mit en haeje dich via dit weblog nauwlettendj in de gaate.
Sterkdje, hoat de mood der in en es ze ins eine kear wils beuke en vlooke den mooch det auch.
Frank en Tanja en de kinjer(mer die ligge noe in bed).
Rogier,
Heel erg veul Sterkte!
Groetjes Thijs & Willy Wolfhagen
Ha Rogier,
Geweldig deze weblog. Kreeg zoenet op mien werk van "oos mam" dien aadres. Haj inmiddels auch dien mail adres mer dit is veul mekkelikker.
Wie is et toch meugelijk dat stoe dit mos mit make? Mear, doa bus doe genog mit besig en ich geluif det stig dig met beide sjouwers teronger geis zette om door te goan! Geweldig neafke! neet de mood loate zakk! Ich hoap dat deze weblog een geweldig kommunikatiemiddel is om elke daag mit minse te wazelen. En ich ben hiel blie det ich noe auch hiel gemekkelig mit dich kontak ken kriege.
Allein det plat type.....det velt neet mit....
Rogier, zet 'm op, hooi die krach en vinj steun op dees site. Weer denke aan dich! Krieg d'r elke kier weer kippevel van....
hiel veul leefs! dien nigske Nancy
Hey Rogier,
Ich hub van Har dien adres van ut weblog gekrege en bun uns ff gaon kieke. Waal sjoon det se dien verhoal op dees maneer kins vertille. En zo kinne veer auch un bietje mit dich in contac blieve.
Ich zal in eder geval dien verhoale blieve volge en ich wens dich hiel veul sterkjte mit alles. Enne, blief mood hoaje, hé!
Ich dink aan dich.
Hiel veul groetjes van Kelly
P.s. Laot waal de verpleegsters mit rus, hé! :-)
Een reactie posten
Aanmelden bij Reacties posten [Atom]
<< Homepage