GOOD NUUJS
Vanmurge biej de visite van de docter hub ich te heure gekreege det de leukocyten-waarde in mien blood aan ut stijge is. Eindelijk GOOD NUUJS. Noa veer weake chemo en allein mer wachte bliektj den noe det de chemo zien werk headj gedoan. Mien leukocyte-waarde is van 230 noa 0,2 gezaktj en sinds vandaag is diej waarde aan ut stijge. Dit wiltj zegge det mien beinmerg weer bloodcellen aan ut produceren is. Auch is der ein ongerzeuk aangevroag noa de ongerverdeiling van diej leukocyten-waarde. Dit is namelijk belangeriek veur mien afweersysteem. Want es diej ongerverdeiling good is en mien leukocyten-waarde is boave de 1 den moog ich noa hoes.
En hiel mesjien es alles zich blief ontwikkele wiej ut noe geit den eat ich op kermis zondig knien in ut zoer. Maar den waal THOES in de BAEK.
De aafgeloupe daag woore vervealendj. Wachte wachte en nog ins wachte. Waal hub ich veul aan de reacties gehadj op miene weblog. Ut geuf dich den toch ut geveul detse der toch neet allein verstuis, mer det beinoa ein gans durp mit dich mitleafdj. Auch ut bezuek blief ein aafleijing diej de daag duit breake. Ff gewuen urges anges euver kalle (meistal euver eate). Vooral ut gesprek mit miene baas deej mich good. Gewuen ff biejkalle euver waat der allemoal speeltj, zowaal mien situatie mer auch diej op ut werk.
In mien veurige berich sjreef ich al det ich ein hoap vroage haj. Ein deil zeen der beantjwoard mer auch nog ein deil neet. Ut ierste waat noe van belang is, is det diej leukocyten-waarde rustig blieve stijge, en det de ongerverdeiling van diej waardes good is. Doanoa is van belang wiej mien beinmergpunctie geit oetvalle. Ich hub inmiddels begreepe det die beinmergpunctie uuterlijk 10 oktober wurdj oetgeveurdj. Ut kan auch eerder mer det heat weer te maake mit het herstel van mien bloodwaardes.
Van mien HLA-typering weit ich nog steeds nieks. Dus det blief auch aafwachte.
Ut belangriekste noe is wachte op ut berich det ich noa hoes kin. Eindelijk get anges. Ff weg oet det ziekenhoes. Ff ein anger ritme en gewuen thoes. Veur ut wear hoof ich mich inmiddels gein kopzurg mier te maake.
Astrid bedanktj veur ut mutske
gepost door Pexie @ 11:57
21 reacties
21 reacties:
Det is idd. good neuts en ich waas net bie mam Pex en die hoaw auch knien, dea stong allein nog neet in t zoer. Sjiek, mesjiennnnnn nao hoes!!!
Gooiemiddig Rogier,
Intösse is 't ein geweünte gewaore ôm ein paar kiëer per daag effe te kieke of d'r nog gets nuuts stuitj op diene weblog. Dit maol höbs ze ôs den ins bliej verrasj mit good nuujs. Ich môt zègke, det leusj ein hiëel stök plezeriger den allemaol die berichte euver ônzekerheid, aafwachte etc. Laote w'r haope det ut mit dae knien (toes inne Baek) geit lökke.
Verder stuitj dich det mötske super. Mer aafgezeen daovan is det straolendje gezich dao-ônger nog väöl leuker ôm te zeen. Den môt ze toch spontaan lache.
Alla, genôg gezeiverdj, ich môt weer aan 't werk. W'r zeen ôs gauw, egaal wo.
Groetjes
Tuur
Laot dich dae knien smake!!!!!!
Dao hobs hem verdeent!
Groetjes
Michiel en Paula
Heej Rogier,
De afgelopen dagen best wel ongerust geweest over jouw gemoedstoestand. Ziek zijn is niet leuk en helemaal niet als het ernstig is. Het is een hele opluchting te lezen dat die ellendige chemo-kuur helpt. En om heel eerlijk te zijn: mijn eerste gedachte was na het lezen van jouw weblog dat ik je hopenlijk op de repetitie zie, al is maar voor heel even.
Gonny
Rogier, man dat is good nuujs, ozze daag is wir hielemoal good!
In een woord super.
prachtige patsch trouwens. Diene lach is vuel ziggend!
Ich hoap das ze noe lekker de daag thoes moags zeen!
Op noa de volgende oeverwinning!
Haa Rogierke,
Waat geweldig om te leaze! Ich hoap ech det se zondig lekker dea knien kins goan eate same mit dien familie in de beak.
En hoap det se noe allein nog maar goot nuuts kries. Super.
Ich zit hie mit net zonne smile achter de computer, es det doe oppe foto steis. Haha.
Steit dich troewens hiel good die muts. Knappe vent :-)
Groetjes Kelly
Proficiat Rogier,
Ut moog dich toch eindelik auch waal ins mitzitte.
Loate wer hoape det det noe doorzitj.
En dae knien? Det mot den noe auch mer goan lukke.
gelökkig, heerlik nuujs,
en den onnog zón prachtig mötske oppe kop, fijn vuer inne boets-uitekes of inne rups, kriese gein koaij óáre, want hie is het inmiddels bienoa wintjer.
Proficiat Rogier!, dit woord zegt "alles", en geef dit ook door aan je ouders,zus en zwager want die verdienen het ook....
Wij wensen je verder alle goeds en mag je even naar huis dan lezen we dat,Rogier alle goeds!!!!!!je was taai en houwen zo.
Ome Jan en Tante Gerda uit Evertsoord.
Hey Rogier,
Is inderdaad erg goot om te heure dets ze mesjien binnekort nao hoes kins. En waat auch erg goot is, is dien mutske. Noe hubs ze op ut moment neet heel veul om jaloers op te zeen.....mer det mutske!! En es eemes wet wie fein un mutske op unne neet zo behaorde kop kan zeen, den ben ich ut waal.
Al mel al gefeliciteerd. Veurnamelijk of eigelik allein, met dien herstel en de veroetgange, mer toch auch un bietje met dien keppelke.
Paul
Ha rogier waat ein goot nuujs!!!
Det se waarsjienlik mit de kirmis thoes bus ( vinj ut waal ein bietje zielig veur de knien) mer alleh, he sjturft waal eervol veur ein feestelike gelegenheid. Waat aug fein is is det ich dich de kaneelsjtaaf noe neet zo wiet hoof te bringe. Veurig joar hubs doe eine veur anita en mich gekoch ( joa joa eine sjtaaf van september sjmaakt aug goot in november)dus dit joar hubs doe eine van os tegooi.waat ut mutske betreft, det sjuit dich inderdaat zeer goot, mer de big smile dronger is helemoal toppie. Trouwens esse lever ein mutske in ut road hubs, (i.v.m. dien kleier) loat ut effe weite den goan ich nog effe aan um.Hopelik zeen ver dich binnekort in de beak. Groetjes en xxx van Astrid en natuurlik van Ton,Nina en Koen
Hie een berichje van Peter, ich num aan det se niet met geis moandig, wer zulle dich misse, mer et goan we nog wel ins inhoalle, ich beloaf dich det de eerste tien wat ich drink det die op dien gezoandheid zen en de knien doa wil Har en ich dich wael met helpe, Pex ich wins dich vel sterkte en kom op he
Hoi Rogier,
Proficiat met det good nuuts en laot de knien dich good smake, det duit der oos haopelijk auch.
Verder haop ich dich binnekort in ut Baekerhoes te zeen en diene lach weer te heure.
Groetjes Eric en Paula
Hey Rogier, waat ein good nieuws zoa net veur het weekend en waat fijn om dich met ein lachend gezich op de foto te zeen! Ben zuinig op dien mutske, veer zeen d'r jeloers op ;-)
Groetjes, Louis, Nancy & kids
Ha Pexie,
Det is nog ins good nuuts. Ich haaj komende daag aan wille komme mit de foto's van 't concert in Hirkebosj, mit Frankie op 't urgelke ! Diej bewaar ich noe toet des toe toes bus, ze sjtoan op CD. dae kirmesknien is gister hie langs gekome, drek doorgesjtuurd noa de Sjtasiewaeg. Ich hub urges angers al gelaeze det vader René um achter die ore gesjlage haet. Moch zedem neet opkriege dan bun ich bereikbaar oppe GSM !!
Veer hoape mit dich mit desse zo vlot meugelijk noa hoes moogs.
Grz,
Peter,Hilly, Janou en Aimée.
Gooiemorge Rogier,
Weer zeen erg benuudj of det blood vanmorge weer hertstikke good is en det se ein dees daag nao de Baek teruuk kins...dae zoere knien dae wachtj op dich !!!
Weer doeme veur dich...en hoape det se dae kleine vrachwage ECH hieel sjnel neudig hubs.
Doei...Jeannette, A3 en kids
Hehe, dat werd tijd, een beetje goed nieuws. Ik hoop dat je dat konijn lekker zal smaken. Al vind ik hem persoonlijk lekkerder met veel garlic, rozemarijn en tijm. Oh, vergeet ik bijna de vin rouge! Veel sterkte en beterschap!!!!
Groetjes,
Margriet & Marco
joa rogier doe hubs zeker de knien verdeent, loat hum good smake. profficiat mit het good nuujs gank zoa door.
gr Geert Moasse
Hey Rogier,
Auw muk zek das echt goot nuuts! Gans geweldig! Veer doeme veur dich das te dit weekend lekker heivisj moogs. Merre veurzichtig met dae knien hè, veer weiten neet of dae zich verschtuit mit 't mötske hahaha. Nae echt waor Rogier, veer zeen hartstikke blie veur dich en veer wunschen dich vas een superfijn weekend, maar mit 'n bietje mazzel zal dat waal lukke! Enne veer blieven geweun doeme veur nog maer goot nuuts hè.
Groeten Maurice & Helen
Rogier,
UNNE HIELE DIEKE PERFICIAT!!!
Geneet, geneet, geneet!!
Vandaag sjientj de ZON!!
Van harte,
Auch names de knien in ut zoer,
Nicole
Enne......waas de knien lekker?? :-)) Toppie man! Good des se weer op ut honk bös inne Baek.
Ivar, Miranda en die tjwie in aantocht
Een reactie posten
Aanmelden bij Reacties posten [Atom]
<< Homepage