Fase tweij: Inductie-fase
Inmiddels bun ich ein weak hiej in Mestreech en bun ich noe kloar gestoumdj veur de volgende fase van de behanjeling. Fase 1 waas ein Pre-Fase: mit toedeening van Prednison en zoa nog get pilkes en drenkskes om dien lief hielemoal aan te passe en kloar te maake veur de volgendje fase.
De Inductie-fase.
klik op ut pleatje veur ein groter aafbeelding.Op ut boavestoandje euverzich stuit wiej de behanjeling geit verloape. Ich hub nog toet laat in de nach mit de verplegers hie gekaltj en vroage gesteldj want doa woor mich eine hoap neet gans duudelik. Inmiddels weit ich weer get mier mer det lik ich murge waal oet.
Truste.
P.S. om ein oer of 11 zal ich waarsjienlik mien ierste infuus aangsloate kriege.
gepost door Pexie @ 23:20
5 reacties
5 reacties:
Ha Pexie, veel succes om 11.00.
Zet 'm op!!!!!
Groetjes,
Marco
He Rogeeke,
Kerel, waat mot ich toch noe weer allemoal van dich heure! Doe bliefs auch maar aan de gang met dien gezondjheit. Ich hub mich kapot verschrjokke van het nuus!
Ich hub vanmurge Rene effe gesproake en heft mich biegekalt over dien situatie.
Ich weit des du erg positief bus en ich dink det dit dich noe ten goede kumt.
Rogeeke, heel veul succes en sterkte de kommende tied!
Rick Valkenburg
Hey Pex,
waat maaks se mich den noe... Ich heurde 't berich dets te noa ein hotel in Mestreech woors gegange en höb gister dien blog-adres gekrege. Kaerelloeëd nae, doe wèts de luuj waal stil te kriege.
Gelukkig dets dich neet stil bös gewoare, en os van alles oppe heugte kèns hoaje. Fantastisch die techniek. Mer zo as w'r al höbbe kènne laeze, van techniek höbs dich waal verstandj.
Ich bön d'r van euvertuugd dets dich dich hiej good door haer geis sloan en zoas se al gemerk höbs, w'r laeve allemoal met dich met. As w'r get veur dich kènne doon, doe hoofs mer te kikke.
Ich goan d'r noe 'n enj aan breije (misjien auch ein leuke hobbie ipv te type, begin mer met eine roeëd-gael-greune sjaal) en veur dich geit 't straks ech beginne.
Hoad dich, veul succes dalijk en doanoa, w'r bloggen os en w'r zeen os.
Groeten,
Snijckers
p.s. ich had gaer eine portofoon gehad, hadde w'r nog get kènne oajhoore ;-)
Ha Rogee,
Auch veer zeen us kapot verschrjokke van het nuuts.
Waal geweldig det ze zo positief bliefs (mit humor). Maar zo kinne ver dich waal.
Veul succes en strekte!
Désirée en Richard
Ha Rogeer,
Auch weer zeen os natuurlik rot geschrokke van det slechte nuuts euver dich.
Ich heurde gisteraovendj dets doe ein eige weblog höbs, en bön direk wie ich toes kom gaon kieke.
Geweldig wie dets doe der mit om kins gaon. Weer gaon dich eedere daag volge via dien weblog en winse dich ontzettend veul sterkdje toe, auch veur dien pap en mam en Lilian en Fred.
Hiel gooi beitersjap en hiel veul sterkdje toegewinst.
Casch & Mariet van Montfort.
Een reactie posten
Aanmelden bij Reacties posten [Atom]
<< Homepage