Eindelijk thoes !
Dit berich sjrief ich vanaaf de bank thoes oppe statieweag. Eindelijk truuk in de Baek. Noa 32 daag in Mestreech woor ich ut doa auch waal meug.
Vanmurge kwoom Dr. Span mit ut nuuts det mien leukocyten-waarde woor gesteege noa 1,5 en det is ruum genog om noa hoes te kinne. Waal mos nog eine cardioloog noa de ECG komme kieke mer ich haj vanmurge al gezeen det doa nieks mis mit woor. En ich mos nog ein zekske blood biejgezatj kriege om mien Hemaglobine gehalte get omhoag te krikke. Verder hub ich nog ein sjema gekreege om de prednison aaf te bouwe, al mos ich doa zelf aan dinke want det woore ze ff vergeate. Mer oeteindelijk zoe ich den vandaag noa hoes kinne.
Vanmiddig om ein oer of 4 woor ut zekske blood via ut infuus ingeloupe en weardje ich auch sinds 32 daag verlos van ut infuus. Miene iezere vrundj dea ich al diej daag mit hub motte sleipe. Ein raar geveul om inins gans "los" te zeen.
Doanoa hub bun ich begos mit zoveul meugelijk in te goan pakke en alle kaarte van de moer te hoale.
En doa bun ich waal ff mit bezig gewaes, zoa wiej ger op de foto kintj zeen. Ich wil eederein bedanke veur alle kaarte, reacties, mails, en bezuek van de aafgeloupe 32 daag. Veur mich woor det ein groate steun om veuroet te blieve kieke, nao ut moment det ich noa hoes kos goan. Ich weit det miene strijd nog lang neet gedoan is, mer ut ierste lichpuntje hub ich toch al bereiktj.
Woonsdig mot ich truuk veur bloodongerzeuk en drek doanoa mot ich biej Dr. van Gelder op bezeuk veur de oetslaag. Is det den good den krieg ich donderdig of vriedig al de beinmergpunctie. En es doa de oetslaag good van is den goan ich noa ut volgende weekend verder mit de volgende kuur. Iers 3 weake poli-klinisch en ut twiede gedeilte (waarsjeinlijk ein weak of 4) mot ich den weer opgenomme weare. In de tussetied hoap ich auch te weite waat mien HLA-typering is, en of Lilian den donor is.
Mer iers goan ich ins geniete van ut thoes zeen, Gewuen ff nieks. Good oetruste en probere weer get conditie op te doon veur de volgendje kuur. Ich wil doarom auch eederein vroage dea wiltj langskomme om van teveure ff te belle. Zoa kan ich probeere om auch inderdaad mien rustperiodes te pakke.
En toer slot van dit bericht wil ich ut verpleegendj personeel van aafdeiling A5 bedanke veur de gooi zurg van de aafgeloupe 32 daag. Et is noets leuk om in ut ziekenhoes te ligge mer esse mit zon miense te maake hubs den wurdj ut waal ein hiel stuk aangenamer. Miense allemoal bedankt.
EINDELIJK THOES !
gepost door Pexie @ 21:46
15 reacties
15 reacties:
Heej Rogier,
Waat ein ontzettendj good nuujs. Geneet van de tied toes...en weer doeme veur dich det se ein hieel tiedje toes bis noe...want det is den ein teike det dien blood good blieftj.
Enne...loat dich de knien smake !!!
Hooj dich good ...
Groetjes Jeannette, A3 en kids
Ha Rogier,
Good nuujs om te heure det se weer oppe stasiesweag bus gearriveerd.
Leaf drie huuskes wiejer mit dich mit.
Groetjes Pieter
Ha Rogier
Waat geweldig nuuts
Ich hou gister noch mit Lilian verteldj det zag mich det al.
Enne wie smaakdje de gevulde keuk!!
Geneet thoes en ros dich goot oet.Groeten aan iedereen en hooj dich good.
Groetjes Peter Anke Rob en Roel
hei roger
ich ben bliej veur dich dit nuuts te heure, kinse toch nog ein bietje vanne kiremes genieten. p.s. dit mutske steitj dich aeve good es dae prinssesteek
gr. sjaak smeets
Ha Rogier,
Waat ein good nuujs det ze eindelil weer toes bus.
Geneet der maar van en pak inderdaad waal dien rus weer doeme veur dig det dien blood good blief en det ze den snel van alles aaf bus en det alles weer geit loupe zo es se het gewinjt bus.
Loat dich de knien goot smake maar waal rustig aan der mit he...
hooj dich en heel veul groetjes van Math en Christa
Hoi Rogier
Good det se weer in de beak bus, geniet der mer van, en loat dig de knein good smake
Gr Geert en de rest van de bups
Hoi Rogier,
Waat ein geweldig nuujts! Aafgeloupe woonsdig woore weer der nog euver aan't fantasere en noe is ut al zo: doe bös effe oet de sjleur van ut ziekenhoes en heerlik thoes inne Baek. Nieks temperatuure, nieks nuuj infuuszekske, nieks op oer en tied aete, effe gein sjtrak sjema. Geweldig, neet waor!
Loat dich met lekker verwinne, mer pak auch dien rös (zaet ut zösterke).
Toet gauw weer.
Groetjes, Jean-Pierre, Maud, Syb en Feya.
Ha Rogier!
Op zeuk noa de beste weurd om oet te lègge wie blie zellufs ig veur dig bèn, begintj de ZON hie in B. opins te sjiene wie eine gek...
Dus... mesjien hoof ig neet te zeuke noa weurd.. allein te zègge; PERFICIAT... en GENEET VAN DE ZON!!!
(enne..... waal blieve sjrieve he??!!)
Greetz
Nicole
Ha Rogier,
Welkom thoes in de Baek. Ich wol gistere nao dich toekome, mer via Rosette heurde ich det se toes bes. Geweldig!!!!!
Let good op oos bacteries, blief ein bietje oet oze hooscirkel, den kumt het waal good.De knien is toch waal steriel,hoap ich.
Els, hebse de kaarten gevonje, 2 stuks es het good is.
Groetjes Huub Mary Sanne Frank
Don en Iris.
Ha Pexie,
Ich höb ein gooj waek in ut boetelandj gein internet gezeen, mer noe mit biejlaeze zoog ich eens waal good nuuts! Super veur dich det se oet dien kaemerke in ut ziekenhoes bös. Ich haop det de knien dich gesmaakt haef.
Haoj dich good, en doog dich de muts op es se inne kalipso geis.
Groeten,
Jeroen
ik zou als ik jou was vaste rusttijden pakken en als mensen op bezoek willen komen dat ze maar buiten die tijden om komen en dat zij zich maar aan jou aanpassen
mvg Erik
Ha Rogier,
Van herte gefeliciteerdj met dit geweldjig nowts.
Ut sms-je aan Michiel op de rippetiesie ging as een laupendj veurke en vae woore bli-j vör 4 tegeliek wi-j Ivar mich det toês verteldje.
Now effe beej tenke (auch eur pap, mam, zus en zwaoger!) en dich opmaake vör ut twieëdje gedaeldje.
Saame met al di-j mînse rondum uch mot det zieëker lukke!
Veur now, laot mich nog mèr un aantal kiere nao ut zeekehoês gaon in Wieert woe ze di-j klein in de gaate haoje. Nog 4 waeke... as det ze zich blieve gedraage! (CTG's deure regelmaotig langer as un half oor umdet ze in toerbeurt ut apparaat op tilt stampe!)
Groete,
Ivar, Miranda en di-j 2 op komst!
Hey Rogier
Ik hoorde 2 weken geleden wat er met jou aan de hand was. Heb vandaag jou adres gekregen van jou weblog en ben direct gaan lezen en ik moet je zeggen ik ben onder de indruk, en blij voor je dat je weer thuis bent even rustig aan doen en weer een beetje op adem komen de strijd is nog niet gestreden maar ik weet zeker dat je er bovenop komt. Ik wens je het allerbeste in de komende tijd.
STERKTEEEEEEE
gtrz Frank Melanie en Mitchell Kolken
Ha Roger, heb je de afgelopen tijd gevolgd door bij John en Henk te informeren naar je. Wat ben ik blij voor je dat je Maastricht hebt kunnen verlaten, het is natuurlijk een prachtige stad, maar dat zie je helaas niet vanuit het AZM!! Ik hoop dat je thuis wat kunt uitrusten en bij kunt komen van de zeer heftige tijd in het AZM. Heel veel groeten uit Borgharen van Jacqueline Meuwissen
hahahahah lieve rogier eindelijk je adresje voor je te maile. En ja sorry wel in het nederlands getypt. ik moet er al moeite voor doen om je web te lezen. Ik hoop dat de vooruitzichten goed blijven dat zou geweldig zijn. sinds jij even niet in donkie bent hangt dat schilderij behoorlijk scheef. ik mis die walm van je sigaar en de omzet van de jupiler loopt ook terug. Hey lieve schat kop op en we zien je volgend jaar met de kermis zeker. hou je goed en tot heel snel heel veel beterschap van iwan linda en ons luca hooj dich (afgekeken hahah)
Een reactie posten
Aanmelden bij Reacties posten [Atom]
<< Homepage