De nuuje start
Woonsdig ( 12 sept ) geit ut steeds beater mit mich. Inmiddels sinds ein paar daag zelfs onger de douche gewaes, Weliswaar gezeate mer toch. Zelfs zoeget is den ein ontzettende veuroetgang es al ein paar daag neet veul mier kins es mit ein rietje drinke.
Ut is vandaag waal daag 15. Ein volgendje mijlpaal in ut chemosjeema. Mer omdet ich geine Hickmann Catheter hub en ein infuus te klein en geveulig is om chemo toe te deene wurdj besloate om ut sjema van de chemo eine daag oet te stelle en te wachte toetdet ich donderdig ein nuuje Hickmann hub gekrege.
Inmiddels probeer ich ach weer get te loupe mer det geit nog get moeizaam. Staon geit waal maar mien evewichsgeveul heat zich nog neet zoa goot hersteldj det ich al weer ins ein rundje euver de mert kin goan loupe. Dus op kammer aan ut bed mer get stepkes zitte om toch in eeder geval get te doon.
Donderdig ( 13 sept ) om 11 oer noa de OK veur eine nuuje Hickmann Catheter. Ut inbringe deej nog mier pien den de ierste kier mer det kan auch nog oetwerking van de spierpien zeen gewaes. Nadet ich biej de OK kloar bun nog ff noa de röntgen aafdeiling veur ein foto van de longe en van de positie van de Hickman.
Truuk op de kamer is alles in gereedheid gebrach om mich drek aan de chemo te koppele. En neet veul later kumptj de Anesthesist om mich ein ruggeprik te geave.
Tiedes dea prik numme ze ein buuske hersevoch aaf en spuite ze get chemo in. Det hersevoch wurdj noe gecontroleerd op indicaties van foute witte bloodcelle. Moog noe blieke de die der neet inziite den wurd de verder gein ruggeprik mier gegeave anges waal nog eine kier.
gepost door Pexie @ 13:50
3 reacties
3 reacties:
Hoi Rogier,
Effe in ut Wieërs... Now det vae d'ein d'anger neet zoeë dek mieër zeen en ich bang bîn daejjae ut Wieërs gaotj verliere...
Vae woeje uch toch gaer laote wieëte det vae ontzettendj trots zeen op uch en det vae hoeëpe det ut wieter nao wîns (vur zoeëver as meugelik) blieftj gaon. Ofwaal neet mier zoe unne tiegeslaag es de leste waek.
Gae kintj ut en saame met eur pap, mam, zus, zwaoger en al di-j anger mînse di-j achter uch staon giet uch det zieëker lûkke.
Vae gaon un now poging doan um op bezeuk te koome, now de wichter nog effe op zich laote wachte.
Groete uut Ospel!
Ivar, Miranda en di-j twieë in aantocht.
Ha Pexie,
Auch weer hubbe net als al die angere diene weblog sjteeds in de gate gehoaje. Weer woare den auch ongerus wie wer een hiele tied nieks van dig vernomme. Gelukkig geit ut noe weer ein bietje de gooje kantj mit dich op. Hopae det ze de koomede tiedj neet meer zoveul las van de therapie zuls hubbe. Gelukkig probeers doe waal get aan dien conditie te doon met get om de mert te loape en get te fietse. Den kins doe straks geweun weer mit os met wanjele en lups ze net es veurig joar weer eederein deroet.
Kop op en lach mer uns auch al is det aaf en toe neet mekkelijk.
Greetz Kim en groetjes van Stephan.
Ha Sjeeke,
Ich bön bliej te huure det het dich nao ein kl...te waek weer enigdsns get beater geit. Ich vroag mich waal aaf woorom doe zonne heisa mos maake om de angere kantj van dien borst auch gesjoare wils höbbe. Det haje die zusterkes bes wille doon dao hoofdjes doe neet de Hickmanveur aan de angere kantj te loate plaatse.
Kwatsch natuurlik mer ich bel mooder Els murge ffe op of het good is det ich moandig kom. Groetjes en halt die Ohren Steiff
Een reactie posten
Aanmelden bij Reacties posten [Atom]
<< Homepage